irmenticai? dimenticare? esquecer? olvidar? leave behind?

"Ais’animas" o "irmenticai? dimenticare? esquecer? olvidar? leave behind?"

Custu cuadru,rappresentada sas cuatru categorìas de femminas mannas de Escalaplanu e de su mundu: sa bagadia, sa mamma, sa fixia e sa fìuda.
Tottar cuatru, vittimas de sa gùerra, e peus, de sa provas de gùerra in Sardigna po apustis fairi sa guerra de aberu in attras partis. Mas no xeti cussu...

Una beccia ‘e sa bidda, ca no s’est coiada, iscredendu s’omini giustu, e ca in su connottu serìa stettia una deìna, custodi de sa meixinas e de s’anticas credentzias, de sa cultura, de sa limba, o de su tempu commenti narada Atzeni.

Immoi da olinti ingronada in dommu, custodi a su mancu de unu bottu muttìu televisori, ca si sais contu ae cussu di faidi scaresciri sas cosas importanti prenendudinde sa conca de pixinus imbentaus e faulas malas.

Una mamma, cun sa prumissa de su dinai ca at a portai sa basi, immoi es nigada de sa gioìa de tenniri unu fillu, poitta cun sas probas de bombas et armas, peri cun cosas meda perìculosas, commenti s’uraniu impoverìu e su plutonio, es divennia mamma de unu pitticca surbile, ca no tenit culpa, culpa de nudda, perou est condannau a una vida de jana, de diaulu, de emarginada.
E immoi sa olinti tancada ad ommu, accuandusi' impari a sa fixa, faendu su inferru in vida.

S’urtima es una vittima de s’amori po unu piccioccu tontu, ca hat preferfiu sa gloria facili de s’esercitu a cussa difficili de su trabballu, o de s’istudiu, e immoi es mortu, po sas proprias armas ca impreaba in sas esercitatzionis pò bocciri attra genti est mortu cussu, commenti peri attrus piccioccus ca a su contrariu suu abianta sceberau su trabballu o s’istudio, ma tenianta sa malasorti de trabballai o de biviri in cussus logus, vicinu a is Poligunus Militaris o sceberaus po fairi annai innanti s’industrias de morte.
A cussa commenti a tottus is amigus e is parentis, di olinti cittiu, mudus e possibilmenti fatalistas o criendu ca fudi Deus a olliri sa morti sua.


Sas Tentatzionis cun sas mascaras biancas bruttas e sa peddi de ràmine funti: sa vida comoda, seccia in dommu, cun su televisori comenti intrattenimentu, su dinai ca cussus de sas basis naranta ‘e onai a cussus ca bivinti vixinu a su Poligunu, e sa gloria de su trabballu facili, ca pagada a medallas de brùnzu, calencuna noa in is giornalis e nudda de prus..

Ma in custu cuadru, bi d’est su finali onu: poitta sa beccia cun sas conoscentzias suas, sa mamma, sa fixia e sa piciocca cun s’amori suu galu in su coru, bessinti in s’istrada,creanta una processioni de aniamas ca manifestant con unu lintzolu brancu po simboleggiai tottus su logu chin c'esti po creai solutzions e alternativas a custas realidadis. creài, creàre, creare, to create, créer, crear, po nairi a tottus, ca cussas olinti essiri s’urtimas vittimas de custu sistema malu, ca faidi gùerras po dinai, e cittidi sa genti narandu faulas de democratica tontesa.
Oleus biri si peri in sa vida, sas femminas de ognas categorias sin di xidanta po usai sa forza criadora ca tenint po nairi a su mundu e a s’ominis ca di fainti da meri a cussu e a nosu tottus , ca si seus orroxius de crepai e fairi crepai sa genti po sa tontesa (ca no est attru) chi cussus tenint a conca.

Est s’ora e dda scabulai. Deu appu fattu custu. Si seis interessaus a du esporriri in Sardigna o in calencunu logu, immoi esti in Lanusei, ma pensu ca tenidi meda gana de bessiri.

Cladinè Curreli, su noi de friargiu de su 2007/su primu de aprile 2009.

P.s.Perdonai is erroris, su sardu miu esti unu pagu italianitzau, po corretzionis podeis iscriere a cladinedda@gmail.com . Gratzias.